Kennarar

 Auður Haraldsdóttir

Auður er lærður danskennari með mikla reynslu í danskennslu. Hún er með íslenskt danskennarapróf ásamt Licentiate grade í Ballroom og Latin dönsum og stofnaði sinn eigin dansskóla 1983. Auður er framkvæmdastjóri og yfirkennari í DÍH og einnig haldið Lottó Open danskeppnina í samvinnu með foreldrafélagi DÍH. Auður kennir barna- og samkvæmisdansa í öllum flokkum hjá DÍH. Auður hefur starfað í stjórn Danskennarasambands Íslands til margra ára og er varaforseti sambandsins. Auður með alþjóðleg dómararéttindi hjá WDSF og hjá WDC.

 Andrea Sigurðardóttir

Andrea kennir Street Jazz og Freestyle hjá DÍH á þriðjudögum og fimmtudögum í íþróttahúsi Setbergsskóla. Hún hefur mikla reynslu í danskennslu og kennt hjá félaginu í nokkur ár. Andrea hefur tekið þátt í fjölmörgum danssýningum hér heima og erlendis. Hún er mjög vinsæl  meðal nemenda sinna og mikil tilhlökkun ár hvert hjá krökkunum okkar að hitta okkar yndislegu Andreu.

 Maxim Petrov

Max er danskennari í DÍH og þjálfar keppnispör. Hann er fyrrverandi keppnisdansari og keppti fyrir Rússland og náði mjög góðum árangri í Latin dönsum. Síðast dansaði hann fyrir Ísland með dansdömunni sinni frá Íslandi henni Elísabetu og gekk þeim mjög vel og kepptu bæði á HM og EM fyrir Ísland. Max hefur kennt hjá DÍH í fjölda mörg ár og miðlað af reynslu og kunnáttu. Max sigraði þáttinn “Allir Geta Dansað” með dansdömunni sinni henni Jóhönnu Guðrúnu sem sýndir voru á Stöð 2  !!

 Hannes og Helga Dögg

Helga Dögg og Hannes eru fyrrverandi keppnisdansarar sem bæði náðu mjög langt í dansinum með sínum dansfélugum. Þau þjálfa nú keppnispörin okkar í DÍH. Helga Dögg er með hóp- og einkatíma og Hannes tekur þau í styrktarþjálfun. Helga Dögg er menntaður sálfræðingur og með mikla reynslu í dansinum og Hannes er menntaður Ballett kennari og dansar og semur verk fyrir Íslenska Listdansflokkinn.

 Javier Valino

Javier er flottur dansari sem kennir Break Dance,Salsa og Zumba hjá DÍH. Hann hefur mikla dansreynslu frá Spáni og víðar.  Hann er mjög vinsæll Break Dance kennari og kennt þessa dansa hjá DÍH í mörg ár. Tímarnir í Break eru á mánud. og miðvikud. kl. 16.00-18.00 í júní. Kennt í Bjarkarhúsinu. Tímar í  Salsa og Zumba eru kenndir á mánud. og miðvikud. í Bjarkarhúsinu kl. 18.00 og kl. 19.00 í júní.  Geggjuð stemmning !!!!

 

Sigurður Már Atlason

Siggi Már er dansari með mikla reynslu í samkvæmisdansi og keppt út um allan heim fyrir hönd Íslands og gengið mjög vel. Hann ásamt dansdömu sinni til 15 ára voru valin danspar ársins 5x hjá Dansíþróttasambandi Íslands. Siggi Már ásamt Völu Eiríksdóttur sigrðu sjónvarpsþáttinn “Allir Geta Dansað” síðasta vetur. Siggi Már kennir Latin og Ballroom dansa hjá DÍH.

 Lilja Guðmundsdóttir

Lilja hefur stundað samkvæmisdansa frá unga aldri og keppt með góðum árangri með dansherrunum sínum, bæði hérlendis og erlendis, en hún bjó um tíma í Frakklandi og dansaði þar og keppti og kenndi Latin, Zumba og Salsa dansa. Hún hefur alltaf verið í Dansíþróttafélagi Hafnarfjarðar og þegar hún bjó erlendis þá keppti hún fyrir Ísland. Hún aðstoðar í keppnishópum og þjálfar upp þrek og þol keppnisparanna okkur.